अफिमी शब्दमा

0
36

अनु अर्याल

अफिमी शब्दमा
त कहिले शब्दको अर्थमा,
त कहिले शब्दको अनार्थामा,
म हराए तिम्रो आत्माको सुगन्धमा ।
आवाजमा
त कहिले तिनको मिठासमा,
त कहिले तिम्रो समिप्यतामा,
म हराए तिम्रो प्रगाढ आत्मियतामा ।
पलमा
त कहिले सूक्ष्मको सूक्ष्म क्षणमा,
त कहिले ठूला तिम्रो नयनमा,
म हराए तिम्रो कण कणमा ।
भाषामा
त कहिले मन गणन्ते आशामा,
त कहिले तिम्रो गुण र दशामा,
म हराए तिम्रो आफीमी नशामा ।
अफीमी नशामा । अफीमी नशामा
हाम्रो शहरमा
संघर्ष भावना व्यत्तः गर्ने शब्दको छनोटमा
संघर्ष कलम उठाई कोर्ने अठोटमा
हजारौं भावना बोक्न नसकेको भाषामा
कोरेर मन हलुङ्गो बनाउने आशामा

निर्णय र निडरताको चयनमा बर्षा बनिएका निर्दोस नयनमा
बिक्ने मस्तिष्क, बेचिन मन भएको शहरमा
निर्मल आत्माको आवाज दबिएको कहरमा
भूतको पश्चाताप र भविष्यको चिन्तामा आफूलाई आफू हुन नदिने समाजको दिनतामा
दाजिने पीढा र खुसी पैसाको भाउमा
राखिने आत्माको स्वाभिमान वैरीको पाउमा भीडको हल्लामा भित्री मनको हवीमा आज मरी भोलीको जीवनको दावीमा
भुकिएका गज अन्याय–अत्यचार माझीमा डुब्दै न्यायको रवि कपटको रातीमा