नेतृ तथा पूर्व राज्यमन्त्री मिना पाण्डेको निधन

राजनीति

नेतृ तथा पूर्व राज्यमन्त्री मिना पाण्डेको निधन

२०८१ जेठ १२ गते शनिबार

काठमाडौं। नेपाली कांग्रेस केन्द्रीय कार्यसमितिका पूर्व सदस्य एवं महिला, बालबालिका तथा समाज कल्याण पूर्व राज्यमन्त्री मीना पाण्डेको निधन भएको छ ।

मंगलबार काठमाडौंको गौशालास्थित निवासमा पाण्डेको निधन भएको हो । पारिवारका अनुसार पाण्डेको पार्थिव शरीरलाई अन्तिम श्रद्धाञ्जलीका लागि पशुपति आर्यघाटमा एक घण्टा राखिनेछ । साथै, स्वर्गीय पाण्डेप्रति सम्मान प्रकट गर्दै पार्टीले जेठ १६, १७ र १८ गते तीन दिनसम्म पार्टीको केन्द्रीय कार्यालय र सबै जिल्ला कार्यालयहरुमा झण्डा आधा झुकाउने निर्णय गरेको छ ।

२००८ सालमा जन्मएकी स्वर्गीय पाण्डेले २०३५ मा नेपाल विद्यार्थी संघबाट राजनीतिक जीवनयात्रा प्रारम्भ गर्नु भएको थियो । तीन पटकसम्म नेपाली कांग्रेस केन्द्रीय कार्यसमितिको सदस्य रहेकी पाण्डे वि.स. २०४८, २०५१ र २०७४ मा प्रतिनिधि सभा सदस्य तथा । २०६४ मा संविधान सभा सदस्य हुनु भएको थियो ।

साथै उहाँ नेपाली कांग्रेसको भ्रातृ संस्था नेपाल महिला संघको दुई पटक सभापति हुनु भएको थियो । नेतृ पाण्डेले नेपालमा प्रजातन्त्रको स्थापना र पुनस्र्थापनाका क्रममा धेरै पटक जेल जीवन बिताउनु भएको थियो। उहाँको निधनबाट एक अनुभवी महिला नेतृत्वलाई गुमाएको र अपूरणीय क्षति पुगेको नेपाली कांग्रेसले जनाएको छ ।

यस्तै जेठ १७ गते बुधबारका दिन केन्द्र तथा जिल्ला कार्यालयहरु बन्द गर्ने, १३ दिनसम्म केन्द्र र जिल्ला कार्यालयहरुमा शोक पुस्तिका राख्ने र १३ औं दिनमा सम्बन्धित जिल्लामा शोक सभाको आयोजना गर्ने कांग्रेसले जनाएको छ ।